नेपाल सरकार
गृह मन्त्रालय
जिल्ला प्रशासन कार्यालय,
मनाङ्ग


  परिचय

नेपालको मानचित्रमा प्रदेश नं ४ तथा साविकको पश्चिमाञ्चल विकास क्षेत्र, गण्डकी अंचलको उत्तरी भेगमा अवस्थित हिमाली जिल्ला मनाङ प्राकृतिक रुपमा अत्यन्त सुन्दर तथा यातायात र अन्य विकासका पूर्वाधारको दृष्टिकोणबाट  पछाडि परेको जिल्ला हो । २,२४६ वर्ग किलोमिटर क्षेत्रफलमा फैलिएको यो जिल्लाको दक्षिणमा लम्जुङ, म्याग्दी तथा कास्की, पश्चिममा मुस्ताङ, उत्तरमा चीनको स्वशासित क्षेत्र तिव्वत र पूर्वमा गोरखा जिल्ला पर्दछ । यो जिल्लाले नेपालको कूल क्षेत्रफल १,४७,१८१ ब.कि.मि. मध्ये १.५३ प्रतिशत अंश ओगटेको छ । हिमालपारिको जिल्ला समेत भनेर चिनिने यो जिल्लाको नाम मनाङबाट राखिएको हो, जो साविकको एक गाउँ  विकास समितिको नाम पनि हो । मनाङ  तिव्वती भाषाको ‘म्हनाङ’ शव्दबाट अपभ्रंश भएर आएको मानिन्छ । तिव्बती भाषामा ‘म्ह’ को अर्थ सहायता र ‘नाङ’ को अर्थ देऊ भन्ने हुन्छ । विकट हिमाली भौगोलिक अवस्थितिमा रहेको हुँदा बाह्य सहायता विना जनजीवन थप कष्टकर रहेको भन्ने सन्देश दिने अर्थमा नै यो जिल्लाको नामाकरण भएको बुझ्न सकिन्छ ।

यस जिल्लामा जम्मा चारवटा गाउँपालिकाहरु चामे, नारफु, नाशोङ र नेस्याङ रहेका छन्। जसमा साविकका  १३ वटा गाउँ  विकास समितिका विभिन्न वडाहरु समाहित भएका छन् । २०६८ सालको राष्ट्रिय जनगणना अनुसार नेपालको सबैभन्दा थोरै जनसंख्या ६,५३८, सबैभन्दा कम मतदाता ४,७९४ भएको जिल्ला पनि मनाङ नै हो । २०५८ सालको राष्ट्रिय जनगणना अनुसार जनसंख्या ९५८७ रहेको पछिल्लो जनगणना २०६८ अनुसार ०.०३८ प्रतिशत जनसंख्या घट्दोदरमा देखिएको छ । समुद्र सतह भन्दा १७०० मिटरको उचाइमा रहेको धारापानी गा. वि. स. को सुन्दर तालगाउँबाट शुरु भएको मनाङ  जिल्लाको सबै भन्दा उच्च भूभाग अन्नपूर्ण दोस्रो हिमालको उचाई ७,९३७ मिटर रहेको छ। समुद्र सतहदेखि ४,९१९ मिटरमा अवस्थित विश्वको अग्लो हिमतालको रुपमा परिचित तिलिचो ताल समेत यसै जिल्लामा रहेको छ। यो तालमा पुग्न करीब ५,२०० मीटरको उचाई पार गरेर तल झर्नुपर्ने हुन्छ । ६५ मिटर गहिराई, ३.८४ वर्ग किलोमिटर क्षेत्रफलमा फैलिएको नीलो रङको सुन्दर तिलिचो ताल बर्षेनी हजारौं पर्यटक आकर्षण गर्न सफल रहेको छ।

  • मनाङ जिल्लामा स्थानीय तह निर्वाचन २०७४ सम्पन्न २०७४-२-२२

    मनाङ  जिल्लाका ४ वटा गाउँपालिका मध्ये नारफू गाउँपालिकामा  निर्विराेध निर्वाचन सम्पन्न भएकाे र चामे, नेस्याङ र नाशाेङ गाउँपालिकामा २०७४ साल बैशाख ३१ गते स्थानीय तह निर्वाचन शान्तिपूर्णरुपमा सम्पन्न भएकाे छ ।  नारफू गा‍उँपालिकाकाे अध्यक्ष पदमा नेपाली कांग्रेसका श्री मिङमा छिरिङ लामा र उपाध्यक्षमा स्वतन्त्रवाट श्री काेन्जाे तेन्जिङ लामा निर्विराेध निर्वाचित भएका छन् । निर्वाचनकाे परिणाम अनुसार चामे गाउँपालिकाकाे अध्यक्ष पदमा ने.क.पा.एमालेका श्री लाेकेन्द्र बहादुर घले र उपाध्यक्षमा नेपाली कांग्रेसका श्री मुनिन्द्र जंग गुरुङ , नाशाेङ गाउँपालिकाकाे अध्यक्ष पदमा नेपाली कांग्रेसका श्री चन्द्र बहादुर घले र उपाध्यक्षमा नेपाली कांग्रेसकै श्रीमती कमल माया गुरुङ र नेस्याङ गाउँपालिकाकाे अध्यक्ष पदमा ने.क.पा.एमालेका श्री कान्छा…

  • मनाङमा दक्षिण एसियाकै सबैभन्दा ठूलो स्याउ फारम २०७२-३-३०

    स्याउको माग दिनदिनै बढ्दै छ । नेपालमा माग अनुसारको स्याउ उत्पादन हुन सकेको छैन । सिजन मात्रै थेग्ने स्याउको मागलाई पूरा गर्न व्यापारीहरुले विदेशबाट स्याउ खरिद गर्दै आएका छन् । नेपालमा नै स्याउको उत्पादन बढाउने उद्देश्यका साथ मनाङमा दक्षिण एसियाकै सबैभन्दा ठूलो स्याउ फारम बनाउन कृषकहरु लागि परेका छन् । हिमालपारीको जिल्ला मनाङको माथिल्लो गाउँका स्थानीय पोलदेन छोपाङ गुरुङले सम्भवतः दक्षिण एसियाकै ठूलो स्याउ फार्म स्थापना गरी स्याउ खेती सुरु गरेका छन् । मनाङको पिसाङ–१, भ्राताङमा जग्गा भाडामा लिएर खेती थालेका हुन् । उनले माथिल्लो मनाङको मनाङ, टङ्कीमनाङ, खांसार, ङावल, पिसाङ, घ्यारु र भ्राकाका बासिन्दाको सगोलमा रहेको ७ सय ३५…



© सर्वाधिकार सुरक्षित गृह मन्त्रालय